લીંબડી : ચુડા તાલુકાના ભેંસજાળ ગામે પતિએ બોથડ પદાર્થના ઘા ઝીંકી પત્નીને માર મારી હત્યા કરી નાખતાં પંથકમાં ચકચાર મચી જવા પામ્યો. પત્નીની હત્યા કરી આરોપી ફરાર થઇ ગયો હતો. બનાવ અંગે મૃતક મહિલાના ભાઇની ફરિયાદના આધારે પોલીસે ગુનો નોંધી આરોપીને પકડવાની તજવીજ હાથ ધરી છે.
ચુડા તાલુકાના કુડલા ગામે રહેતાં ધીરજભાઈ ઉર્ફે ધીરૂ જાદવભાઈ કાણોતરાના અંદાજે બારેક વર્ષ પહેલાં સમાજના રીતરિવાજ મુજબ લીંબડી તાલુકાના ભલગામડા ગામના જેઠાભાઇ ચાવડાની દીકરી હેતલબેન સાથે થયા હતા. લગ્નના થોડા વર્ષો પછી ધીરજ ઉર્ફે ધીરૂ કાણોતરા હેતલબેન ઉપર ખોટા શક વહેમ રાખી તેમની જોડે અવાર નવાર ઝગડો કરીને મારકુટ કરતાં હતાં. જેને કારણે હેતલબેન કંટાળીને પાંચેક વર્ષ પહેલાં ભલગામડા ખાતે રીસામણે આવીને પાંચેક માસ સુધી ભલગામડા રહ્યા હતાં.
સમાજના અગ્રણીઓ તથા કુંટુંબીઓ આવીને સમાધાન ન કરાવતાં હેતલબેન પરત તેમની સાસરીમાં જતાં રહ્યાં હતાં. જ્યાં તેઓ ભેંસજાળ ગામે રહીને વાડી ભાગવી રાખીને ખેતી કામ કરતાં હતાં. ધીરજભાઈએ હેતલબહેને કહ્યું હતું કે તું તારા પિયર જઈશ તો તું પાછી આવતી નહીં મારે તને રાખવાની થતી નથી. જેથી હેતલબેન ચારેક વર્ષથી પિયર આવ્યા ન હતા.
ગત તા. ૨૩ ઓક્ટોબરેના રોજ ધીરજભાઇએ ઘરમાં હેતલબેનને બોથડ પદાર્થ વડે મારી મારીને હત્યાં કરી નાખી ફરાર થઇ ગયો હતો. આ બનાવની જાણ ચુડા પોલીસને થતાં પોલીસે ઘટના સ્થળે પહોંચી મૃતક હેતલબેનની ડેડબોડીને પીએમ અર્થે ચુડા સરકારી હોસ્પિટલમાં ખસેડવામાં આવી હતી. હેતલબેનના શરીર પર મારજુડના ચકામા તથા નિશાનો પડેલા હોવાથી ચુડા હોસ્પિટલના હાજર તબીબોએ હેતલબેનનું પીએમ રાજકોટ સરકારી હોસ્પિટલ ખાતે કરાવવાનું જણાવ્યું હતું. જેથી પોલીસે હેતલબેનની ડેડબોડીને પીએમ અર્થે રાજકોટ ખાતે મોકલી આપી હતી.
બનાવ અંગે મૃતક હેતલબેનના નાનાભાઇ કિશનભાઈ જેઠાભાઈ ચાવડાએ હત્યાં કરનાર બનેવી ધીરજ ઉર્ફે ધીરૂ કાણોતરા તથાં તપાસમાં ખુલ્લે તે તમામ શખ્સો વિરૂદ્ધ ચુડા પોલીસ સ્ટેશનમાં ફરિયાદ નોંધાવતા પોલસે ગુનો નોંધીને આરોપીને પકડવાની તજવીજ હાથ ધરી હતી.
આ પણ વાંચો;ધ્રાંગધ્રા રોડ પર અજાણ્યા વાહને બાઇકને લીધું અડફેટમાં ! 3 લોકો સાથે બન્યું એવું કે….
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો.