યુપીએસસી સિવિલ સર્વિસીસ પરીક્ષાનું પરિણામ જાહેર થતા અજયપુર ગામમાં દિવાળી જેવો માહોલ છવાઈ ગયો છે. રાઘવેન્દ્ર મિશ્રાની બે પુત્રીઓ, સૌમ્યા અને સુમેઘા મિશ્રાએ દેશની સૌથી કઠિન ગણાતી પરીક્ષામાં એકસાથે સફળતા મેળવી છે.સૌમ્યા મિશ્રા પહેલેથી જ પ્રતિભાશાળી રહ્યા છે. વર્ષ 2021 માં તેમણે યુપીપીએસસી (UPPSC) પાસ કરી હતી અને હાલમાં તેઓ મિર્ઝાપુર જિલ્લાના મડિહાનમાં એસડીએમ (SDM) તરીકે કાર્યરત છે. નોકરીની મોટી જવાબદારીઓ સંભાળવાની સાથે તેમણે આઈએએસ (IAS) બનવાનું સપનું છોડ્યું નહીં.
પોતાના ચોથા પ્રયાસમાં તેમણે ઓલ ઇન્ડિયા 18મો રેન્ક મેળવીને સાબિત કરી દીધું કે જો લક્ષ્ય મક્કમ હોય તો સફળતા ચોક્કસ મળે છે. તેમણે પોતાની સફળતાનો શ્રેય વરિષ્ઠ અધિકારીઓના સહયોગ અને પરિવારના આશીર્વાદને આપ્યો છે. મોટી બહેન સૌમ્યાથી પ્રેરિત થઈને નાની બહેન સુમેઘાએ પણ તૈયારી શરૂ કરી હતી. સુમેઘાએ દિલ્હી યુનિવર્સિટીની કિરોરી મલ કોલેજમાંથી અભ્યાસ પૂર્ણ કર્યા બાદ ઘરે રહીને જ તૈયારી કરી હતી.
તેમણે પોતાના પ્રથમ પ્રયાસમાં જ 253મો રેન્ક હાંસલ કરીને સૌને ચોંકાવી દીધા છે. સુમેઘા જણાવે છે કે દીદીના માર્ગદર્શનને કારણે તેમની તૈયારી ઘણી સરળ બની હતી.બંને બહેનોના પિતા રાઘવેન્દ્ર મિશ્રા દિલ્હીની એક કોલેજમાં પ્રોફેસર છે અને માતા રેણુ મિશ્રા ગૃહિણી છે. આ પરિવાર લગભગ 15-20 વર્ષ પહેલા ગામ છોડીને દિલ્હી સ્થાયી થયો હતો
જેથી બાળકોને સારો અભ્યાસ મળી શકે. આજે પિતાનો તે નિર્ણય સાર્થક થયો છે. સૌમ્યાએ અન્ય ઉમેદવારોને સલાહ આપી છે કે અસફળતાથી નિરાશ થયા વગર પોતાની ભૂલો સુધારીને મહેનત ચાલુ રાખવી જોઈએ.આ ઘટના ઉત્તર પ્રદેશના ઉન્નાવ જિલ્લાની છે.
આ પણ વાંચો:શિયાળામાં ગેસ ગિજર વાપરતા ખાસ જોઈલો ! હસતાં રમતા પરિવારનો લીધો જીવ, ઘટના કઈક એવી બની કે….
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો