30 વર્ષીય રાકેશ કુમારનું રશિયામાં રહસ્યમય સંજોગોમાં મોત નિપજતા પરિવારમાં શોકની લહેર છવાઈ ગઈ છે. ઓગસ્ટ મહિનામાં ઉચ્ચ અભ્યાસ માટે રશિયા ગયેલા રાકેશનો મૃતદેહ હવે વતન પરત લાવવામાં આવ્યો છે. પરિવારે લગાવ્યા ગંભીર આક્ષેપ રાકેશના ભાઈ દીપુ મૌર્યે જણાવ્યું છે કે રશિયા પહોંચ્યા બાદ રાકેશે ફોન પર કહ્યું હતું કે તે ત્યાં ખૂબ મુશ્કેલ સ્થિતિમાં છે. પરિવારનો આરોપ છે
કે રાકેશને જબરદસ્તીથી રશિયન સેનામાં ભરતી કરવામાં આવ્યો હતો. 30 ઓગસ્ટે છેલ્લી વાર વાત કરતી વખતે રાકેશે પરિવારને જણાવ્યું હતું કે તેને ટ્રેનિંગ આપીને યુક્રેન સામેના યુદ્ધમાં મોકલવામાં આવી રહ્યો છે. રાકેશે સૈન્ય યુનિફોર્મમાં પોતાના ફોટો પણ ઘરે મોકલ્યા હતા. સરકાર સમક્ષ કરી હતી આજીજી આ મામલે પરિવારે ભારત સરકાર અને વિદેશ મંત્રાલયને પત્ર લખીને રાકેશને બચાવવા વિનંતી કરી હતી. હવે ચર્ચા થઈ રહી છે
કે રાકેશનું મોત યુક્રેન યુદ્ધ દરમિયાન થયું હોઈ શકે છે, પરંતુ વહીવટી તંત્ર અને પોલીસ અધિકારીઓ આ અંગે કોઈ સત્તાવાર વિધાન આપવાનું ટાળી રહ્યા છે. મૃતદેહ ઘરે પહોંચ્યો ત્યારે પરિવારે મીડિયા અને લોકપ્રતિનિધિઓ સાથે વાત કરવાની ના પાડી હતી. રાકેશનો પરિવાર મૂળ ઉત્તર પ્રદેશના બદાઉનનો છે
અને છેલ્લા 15 વર્ષથી ઉત્તરાખંડમાં રહે છે. તેના પિતા સિડકુલની એક કંપનીમાં કામ કરે છે. ઉજ્જવળ ભવિષ્યના સપના સાથે વિદેશ ગયેલા યુવાનનો મૃતદેહ પરત આવતા સમગ્ર વિસ્તારમાં શોકનું વાતાવરણ છવાયેલું છે.
આ પણ વાંચો:અમેરિકામાં ગુજરાતીઓ સાથે થયો મોટો અકસ્માત ! બે મહિલાઓના થયા મૌત અને…
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો