જિલ્લાના ગ્રામ્ય વિસ્તારમાં ગઈકાલે મોડી રાત્રે ભાઈએ જ ભાઈની હત્યા કરી હોવાની હચમચાવી નાખતી ઘટના સામે આવી છે. આ ઘટનાએ સમગ્ર વિસ્તારમાં શોક અને ભયનો માહોલ સર્જી દીધો છે. બનાવની જાણ થતાં જ પોલીસ તાત્કાલિક ઘટના સ્થળે પહોંચી અને હત્યાના આરોપી ભાઈને કસ્ટડીમાં લઈને વધુ તપાસ શરૂ કરી છે.
પ્રાપ્ત વિગતો અનુસાર, ગીર સોમનાથ જિલ્લાના સુત્રાપાડા તાલુકાના મોરાસા ગામના મોટા ફળિયા વિસ્તારમાં રહેતા બે સગા ભાઈઓ વચ્ચે ગઈકાલે રાતે અચાનક ઝઘડો થયો હતો. ઝઘડાની શરૂઆત સામાન્ય બોલાચાલીથી થઈ હતી, પરંતુ થોડી જ વારમાં મામલો ગંભીર બની ગયો. ગુસ્સામાં ભરાયેલા મોટા ભાઈ હિતેશ રાઠોડે લાકડાના ધોકા વડે નાના ભાઈ અજીતસિંહ રાઠોડ પર જોરદાર હુમલો કર્યો હતો.
આ હુમલામાં અજીતસિંહ રાઠોડને ગંભીર ઇજાઓ પહોંચી હતી અને ઘટનાસ્થળે જ તેનું મોત નીપજ્યું હતું. ચીસો અને હોબાળા સાંભળી આસપાસના લોકો દોડી આવ્યા ત્યારે ઘરનું દૃશ્ય જોઈ તેઓ સ્તબ્ધ રહી ગયા હતા. અજીતસિંહ લોહીમાં તરબોળ હાલતમાં જમીન પર પડ્યો હતો અને ઘર અંદર બધે લોહી ફેલાયેલું હતું.
સ્થાનિકોએ તરત જ પોલીસને જાણ કરતાં પોલીસનો કાફલો ઘટના સ્થળે પહોંચ્યો હતો. પોલીસે મૃતદેહનો કબ્જો લઈ આગળની કાનૂની કાર્યવાહી હાથ ધરી છે અને હત્યાના કારણો જાણવા આરોપી હિતેશ રાઠોડની પૂછપરછ કરવામાં આવી રહી છે. આ ઘટનાએ ગામમાં ભારે આઘાત અને ચર્ચાનો વિષય ઊભો કર્યો છે.
આ પણ વાંચો:મહીસાગરમાં ખેડૂતે કરી એવી ખેતી કે પોલીસ ઘરે આવીને લઈ ગઈ ! એરંડા વચ્ચે કર્યું હતું કાંડ…
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો