ઇંગ્લેન્ડના શાંત અને ઐતિહાસિક શહેર વોર્સેસ્ટરમાં બનેલી એક હિંસક ઘટનાએ સ્થાનિક સમુદાય સાથે ભારતીય પ્રવાસીઓને પણ હચમચાવી દીધા છે. શહેરની જાણીતી બાર્બોર્ન રોડ પર મંગળવાર, 25 નવેમ્બરની વહેલી સવારે 30 વર્ષીય ભારતીય વિદ્યાર્થી, વિજય કુમાર શ્યોરાણ (રહેવા ચરખી દાદરી, હરિયાણા) પર છરીથી હુમલો કરવામાં આવ્યો હતો. પોલીસને સવારે લગભગ 4:15 વાગ્યે ગંભીર રીતે ઘાયલ હાલતમાં વિજય મળ્યો હતો
જેને હોસ્પિટલમાં ખસેડવામાં આવ્યો, પરંતુ ગંભીર ઇજાઓને કારણે તે જ દિવસે તેનું દુઃખદ અવસાન થયું. ઘટનાસ્થળે પોલીસ, પેરામેડિકલ ટીમ અને ક્રાઇમ સીન ઇન્વેસ્ટિગેશનની ગતિવિધિઓ જોવા મળતાં વિસ્તારના નાગરિકોમાં ચિંતા વ્યાપી હતી. વેસ્ટ મર્સિયા પોલીસે આ ઘટનાને અત્યંત ગંભીર ગણાવી સમગ્ર કેસને હત્યાની દિશામાં આગળ ધપાવ્યો છે. અત્યાર સુધી છ શંકાસ્પદોની ધરપકડ થઈ છે, જેમાંથી પાંચને જામીન પર મુક્ત કરવામાં આવ્યા છે.
તપાસ હજુ પ્રારંભિક તબક્કામાં છે અને દરેક સંભવિત દિશામાં આગળ વધી રહી છે. ડિટેક્ટિવ ચીફ ઇન્સ્પેક્ટર લી હોલહાઉસે જણાવ્યું કે આ ઘટના માત્ર એક પરિવાર માટે જ નહીં, પરંતુ આખા સમુદાય માટે એક દુઃખદ ક્ષણ છે. તેમણે વિજયના પરિવાર અને મિત્રો પ્રત્યે ઊંડી સંવેદના વ્યક્ત કરી તથા જણાવ્યું
કે વીકએન્ડ દરમિયાન પણ પોલીસ વધુ પુરાવા એકત્ર કરવા અને લોકોને સુરક્ષિત અનુભૂતિ થાય તે માટે વિસ્તારમાં હાજર રહેશે. ભલે બ્રિટિશ પોલીસે વિજયની સત્તાવાર ઓળખ જાહેર કરી નથી, પરંતુ ભારતીય અહેવાલોએ તેની ઓળખની પુષ્ટિ કરી છે. ભારતીય સમુદાયે તેની હત્યા પર ભારે દુઃખ વ્યક્ત કર્યું છે.
આ પણ વાંચો;પ્રેમ કારણો અનોખો કિસ્સો ! યુવાકે કર્યા યુવતીની લાશ સાથે લગ્ન., બનાવ જ એવો બન્યો કે…
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો