એક એવો અજીબોગરીબ કિસ્સો સામે આવ્યો છે, જ્યાં કાયદો નહીં પણ એક અબોલ પશુએ ન્યાય કર્યો છે. શિવનગર ગામમાં રહેતા આરતી પાંડેના ઘરે છેલ્લા ત્રણ વર્ષથી ‘બિટ્ટુ’ નામની ભેંસ હતી, જે ગત 1 નવેમ્બરના રોજ ચરવા ગયા બાદ ગુમ થઈ ગઈ હતી. પરિવારે ઘણી શોધખોળ કરી અને અંતે માનિકપુર પોલીસ સ્ટેશનમાં ફરિયાદ નોંધાવી હતી. લગભગ એક મહિના બાદ જાણવા મળ્યું કે તેમની ભેંસ 12 કિમી દૂર કેકરા માર્ગ ગામમાં શિવલાલ નામના વ્યક્તિના ઘરે બાંધેલી છે.
જોકે, શિવલાલે દાવો કર્યો કે ભેંસ તેની જ છે, જેના કારણે માલિકી હક માટે મોટો વિવાદ ઊભો થયો હતો. મામલો ફરી પોલીસ સ્ટેશન પહોંચ્યો, પરંતુ બંને પક્ષો પોતાની વાત પર અડગ હતા. સમાધાનનો કોઈ રસ્તો ન નીકળતા આરતી પાંડેના પતિ અનિલ કુમાર પાંડેએ એક અનોખો વિચાર રજૂ કર્યો. તેમણે પ્રસ્તાવ મૂક્યો કે જો ભેંસને ખુલ્લી છોડવામાં આવે અને તે પોતાની મેળે જેના ઘરે જાય, તેને જ અસલી માલિક માનવામાં આવે. પોલીસે ગ્રામજનોની હાજરીમાં આ પ્રયોગ કર્યો
અને ભેંસને ઘરથી 600 મીટર દૂર રસ્તા પર મુક્ત કરી દીધી. જેવી બિટ્ટુને છોડવામાં આવી, તેણે કોઈ પણ સૂચના વગર સીધો જ પોતાના અસલી ઘર તરફનો રસ્તો પકડ્યો અને દોડીને પોતાના જૂના આંગણે પહોંચી ગઈ. આ દ્રશ્ય જોઈને પોલીસકર્મીઓ અને હાજર રહેલા તમામ લોકો સ્તબ્ધ થઈ ગયા હતા. 74 દિવસના લાંબા ગાળા પછી પણ ભેંસે પોતાના માલિક અને ઘરને ઓળખી લીધા હતા. આ ઘટના ચિત્રકૂટ જિલ્લાના માનિકપુર વિસ્તારની છે.
આ પણ વાંચ:ટીચરને મનાવવા માટે બાળકે એવો ક્યૂટ અંદાજ અપનાવ્યો કે જોઈને તમે કેશો ‘કેટલો કયુટ…જુઓ વિડીયો
નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી ખબરી વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો